नाथांचा नाथ जगन्नाथ !!

मंगळवार, १७ मे, २०११


मागच्या वेळी जेव्हा जगन्नाथ पुरीला गेलो होतो तेव्हा दर्शन घेवून परतताना मनात एक खंत राहून गेली होती की पुरी च्या भव्य जगन्नाथ मंदीराची छायाचित्रे घेता आली नव्हती. तिथे कॅमेरा घेवून जाण्याची वा छायाचित्रे घेण्याची परवानगी नाहीये. कालच्या जानेवारी महिन्यात एका कॉन्फरन्सच्या निमीत्ताने हैदराबादला जाण्याचा योग आला. तेव्हा तेथील बंजारा हिल्सवर असलेले देखणे जगन्नाथ मंदीर पाहण्यात आले. अगदी हुबेहुब जगन्नाथ पुरीच्या मंदीराप्रमाणे नसले तरी जवळ जवळ त्याची प्रतिकृतीच असलेले हे देखणे मंदीर कॅमेर्‍यात कोंबण्याचा मोह आवरला नाही. अर्थात ज्याची भव्यता डोळ्यात मावत नाही ती कॅमेर्‍याच्या लेन्समध्ये काय मावणार म्हणा? 

बाहेरून दिसणारे जगन्नाथ मंदीराचे प्रथम दर्शन
 मंदीराचे देखणे प्रवेशद्वार
 
 प्रवेशद्वारातून आत शिरल्या शिरल्या समोर दिसणारी जगन्नाथ मंदीराची कोरीव नक्षीकाम केलेली बाजु . ती भव्य वास्तू कॅमेर्‍याच्या लेन्समध्ये बसवण्याचा तोकडा प्रयास 
(सोबत तिथले सद्ध्याचे केअर टेकर श्री. मोहोपात्रा )
 मंदीराच्या पायाच्या भिंतीवर कोरलेल्या यक्ष्-किन्नरींची रेखीव शिल्पे लक्ष वेधल्याशिवाय राहात नाहीत.


दर्शन  घेवून बाहेर आलो. गाभार्‍यात आत फोटो काढायचे मी शक्यतो टाळतो. का कोण जाणे पण मला ते मंदीराच्या पावित्र्यावर घाला घातल्यासारखे वाटते. पण बाहेर आल्यावर मात्र समोर दिसणार्‍या भव्य कळसाचे फोटो टिपण्यापासून मी स्वतःला रोखु शकलो नाही.

 भिंतीवरील नक्षीकाम : कालियामर्दन करणारा कन्हैय्या आणि देवाधिदेव इंद्र
 मंदीराच्या परिसरात असलेले अजुन एक छोटेसे मंदीर
  एका कळसावरीला देवी शारदेची ही सुंदर मुर्ती
 जगन्नाथ पुरीचे मंदीर तसेच कोनार्कचे सुर्यमंदीर उभे करणार्‍या गंग साम्राज्याचे एक चिन्ह
 मुख्य मंदीराचा गाभार्‍याचा कळस

  भिंतीवरील सुबक कलाकृती
 जाता जाता शेवटी पुन्हा एकदा ओडीसी शिल्पकलेचे देखणे प्रतिक आणि वैषिष्ठ्य असलेला मंदीराचा कळस
 काळाचे प्रतिक मानले गेलेले कोनार्कचे रथचक्र
मी जगन्नाथ पुरीच्या मंदीरालादेखील भेट दिलेली आहे. पण जेवढी शांतता, जेवढी मनःशांती मला इथे मिळाली तेवढी तिथे नव्हती मिळु शकली. कदाचित जगन्नाथ पुरीच्या मंदीराचे आज घडीचे बाजारीकरण त्याचे कारण असु शकेल. पण हैद्राबादमधील या मंदीराने मात्र मला खरोखर जगन्नाथाच्या दर्शनाचा आनंद मिळवून दिला.

विशाल कुलकर्णी.

3 प्रतिसाद:

HAREKRISHNAJI म्हणाले...

सुंदर अतीसुंदर, देखणे मंदीर अप्रतीम फोटो

विशाल विजय कुलकर्णी म्हणाले...

मन:पूर्वक धन्यवाद हरेक्रिष्णाजी !

अनामित म्हणाले...

khupach Chan

टिप्पणी पोस्ट करा

उल्लेखनीय ब्लॉग्स...

Kay Vatel te!sahajachBhunga- the social insect!Mazi Sahyabhramanti!Maratha Histoy Calendar!
Man Udhan Varyache!मोगरा फुललाNetbhet.comsaurabh